Will Devaughn and Riza Santos, sweet in Boracay

NAMATAAN namin ang ilang celebrities sa Boracay na kasali sa Celebrity volleyball game ng Nestea Beach ‘08.

Ilang beses naming nadaanan sina Riza Santos at Will Devaughn na sweet sa isang sulok ng Hey Jude bar.

Kapag tatanungin mo naman si Riza tungkol sa kanila ni Will, malayo ang sagot niya.

Hindi raw si Will lang ang ka-bonding niya rito kundi sina Gaby de la Merced at Victor Basa na kasali sa naturang event.

Pero silang dalawa lang ang laging magkasama kaya obvious na may namamagitan sa kanila.

Sa pakikipagtsika­han namin kay Riza, nilinaw niyang magkaibigan lang sila ni Polo Ravales at never daw siyang niligawan nito.

Hanggang ngayon ay nagkikita at lumalabas pa rin daw sila ni Polo dahil bestfriend nito ang kapatid ng aktor na si Ashley Gruenberg.