GMA 7 strikes back with new Image Plug

GMA 7 gets back on critics of its Summer Station ID with a “star-studded” image plug for GMA Artist Center. Judge for yourself if they are more successful with this Image Plug. Watch the GMA Artist Center image plug below. Accompanying press release below in Filipino:

Magkakasamang umawit ng GMAAC image plug theme song sina Ayen Munji, Jonalyn Viray, Brenan Espartinez, Bryan Termulo, Gerald Santos, Maricris Garcia, Aicelle Santos at singing group na Sugarpop.

Ipinagsama-sama ng GMA Artist Center ang most sought-after-artists ng kanilang henerasyon sa image plug na ito.

Isa na lamang sa nakakamanghang concept na ginamit dito ay ang ‘Matrix’ inspired vignette kung saan makikita ang prime artists ng GMAAC sa isang helipad na naka-itim. Kasama rito sina Marvin Agustin, Iza Calzado, Jennylyn Mercado, Mark Herras, Yasmien Kurdi, Nadine Samonte, U Reyes, Isabel Oli, Ange-lika Dela Cruz, Marky Cielo, at Aljur Abrenica.

Magtatapos ang engran-deng introduction sa paggamit naman ng isang helicopter.

May twist o kakaibang come on at kiliti ang bawat segment ng image plug at lahat dito ay may sinisimbulong mas malalim na mensahe.

Sa katunayan, hindi magtatapos ang introduction sa all black outfits ng mga artista, makikitaan sila ng makukulay at panibagong mga itsura at damit upang ipahiwatig na patuloy ang pagyabong at paghubog ng mga artista sa GMAAC.

Sa pangalawang parte ng image plug, bida naman ang child stars ng Artist Center. Masaya ang mood at look ng nasabing parte kung saan ipinapakita ang kulay na idinadagdag ng child stars ng AC sa mga Kapuso shows.

Sa third installment ng image plug ay makikita na nagsi-“clubbing style” ang mga artista ng Artist Center. Kabilang dito ang mga bagong reality talent search discoveries tulad ng Ride to Fame winners, Mo-vers, StarStruck avengers tulad nina Steph Prescott, Arci Munoz, Jessie Corcuera, Prince Stefan, Jan Ma-nual at Paolo Avelino.

Kabilang din dito ang mga ipinagmamalaking komedyante ng GMAAC na sina Mang Mike, Belly Flori, at Pekto. Kasama rin ang newly launched faces ng GMAAC.

Ang ikaapat na installment ay kinuhaan naman sa helipad ng GMA Network. Dito, mapapanood ang mga naggagalingang mga mang-aawit tulad nina Michael Garcia, Jenny Escalada, April delos Santos, at Harry Santos. Kasama nila ang mga singers na umawit ng image plug theme song. Sa vignette 4 rin ma-kikita ang mga hosts ng GMAAC na namamayagpag ngayon tulad nina Grace Lee, Issa Litton, Rosebud, Chynna Ortaleza, Paolo Paraiso, Hillary Isaac, at VJs na sina Stephanie Henares at Ysa Villar.

Ihinahandog ng GMA Artist Center ang kanilang bagong image plug na sumasalamin sa tunay na kagalingan ng GMAAC. Makahulugan din ang image plug dahil ipinapakita nito ang diversity ng mga talent ng AC, ang layo ng kanilang narating at ang hinaharap na sumasalubong pa sa naglalakihang stars ng GMA Artist Center.

7V7LMNAAOxY